Psa 29 | LXX | STEP | Ψαλμὸς τῷ Δαυιδ· ἐξοδίου σκηνῆς. ἐνέγκατε τῷ κυρίῳ, υἱοὶ θεοῦ, ἐνέγκατε τῷ κυρίῳ υἱοὺς κριῶν, Ἐνέγκατε τῷ κυρίῳ δόξαν καὶ τιμήν,

Psalms 29

1 ^{▼▼LXX: Psa.28:1}Ψαλμὸς τῷ Δαυιδ· ἐξοδίου σκηνῆς. ἐνέγκατε τῷ κυρίῳ, υἱοὶ θεοῦ, ἐνέγκατε τῷ κυρίῳ υἱοὺς κριῶν, Ἐνέγκατε τῷ κυρίῳ δόξαν καὶ τιμήν, 2 ^{▼▼LXX: Psa.28:2}ἐνέγκατε τῷ κυρίῳ δόξαν ὀνόματι αὐτοῦ, προσκυνήσατε τῷ κυρίῳ ἐν αὐλῇ ἁγίᾳ αὐτοῦ. 3 ^{▼▼LXX: Psa.28:3}φωνὴ κυρίου ἐπὶ τῶν ὑδάτων, ὁ θεὸς τῆς δόξης ἐβρόντησεν, κύριος ἐπὶ ὑδάτων πολλῶν. 4 ^{▼▼LXX: Psa.28:4}φωνὴ κυρίου ἐν ἰσχύι, φωνὴ κυρίου ἐν μεγαλοπρεπείᾳ. 5 ^{▼▼LXX: Psa.28:5}φωνὴ κυρίου συντρίβοντος κέδρους, καὶ συντρίψει κύριος τὰς κέδρους τοῦ Λιβάνου 6 ^{▼▼LXX: Psa.28:6}καὶ λεπτυνεῖ αὐτὰς ὡς τὸν μόσχον τὸν Λίβανον, καὶ ὁ ἠγαπημένος ὡς υἱὸς μονοκερώτων. 7 ^{▼▼LXX: Psa.28:7}φωνὴ κυρίου διακόπτοντος φλόγα πυρός, 8 ^{▼▼LXX: Psa.28:8}φωνὴ κυρίου συσσείοντος ἔρημον, καὶ συσσείσει κύριος τὴν ἔρημον Καδης. 9 ^{▼▼LXX: Psa.28:9}φωνὴ κυρίου καταρτιζομένου ἐλάφους, καὶ ἀποκαλύψει δρυμούς· καὶ ἐν τῷ ναῷ αὐτοῦ πᾶς τις λέγει δόξαν. 10 ^{▼▼LXX: Psa.28:10}κύριος τὸν κατακλυσμὸν κατοικιεῖ, καὶ καθίεται κύριος βασιλεὺς εἰς τὸν αἰῶνα. 11 ^{▼▼LXX: Psa.28:11}κύριος ἰσχὺν τῷ λαῷ αὐτοῦ δώσει, κύριος εὐλογήσει τὸν λαὸν αὐτοῦ ἐν εἰρήνῃ.